Search This Blog

Friday, May 2, 2014

Ing Urnung Seramiku keng Balen Apalit

Ika-Singku ning Bulan Abril Banuang 2014

Bayu ka pimadpad keng bariu na ning Tabuyuk, atin kang apansinan a bakanting bale sira sira ne. Kule yang mala malutu. Deng pader na mengabaklas na la.


Mengutang kami deng kaiabe kung magbike neng mipadpad kami karin. Mumuna memangua kaming litratu para abalu mi nanu ne talaga kaitsuran ing lugal. King arap naning pagauan seramiku kanita, akit me ing lagiung Iñiaki (I) at ing aldo ng Maliari.


Keng uanan yapin ing ornu. Luma na la reng batung megamit pero ing samientu bayu bayu na. Keng kaili ia pin ing nukarin dala patiktikan ding agaua dang seramiku. Ing siuang a tutuglung king ornu ampo king nukarin dala patiktikan ia pin nukarin de lalage ing kurudung gagamitan da king pamaglutung seramiku.


Megaua ia pala ing istrukturang ini libutad na ning Sisenta pong Sitenta. Kapamilatan da reng pamaliang Dela Torre ampong Escaler mitatag ia ing pagauan a iti. King kasagsagan na ning saa-kit ning presyu ning kurudu king dekadang 1980 mituknang ia ing pamaggaua.


Ing kasabi ming matua ampo ing apu na ning kaiabe ku megobra la pa king pagauan a iti. Apat a pesus kada ora ing karelang bayad. Apat a pesus king pagal at pali king kilub na ning pagauan.


No comments:

Post a Comment